Заостанатите сметки за вода и смет може да се плаќаат без камата

0
363

Јавното претпријатие „Водовод и канализација“ информира дека граѓаните на Скопје ќе можат да ги платат заостанатите сметки за вода и смет без камата во периодот од 13 мај до 28 јуни.

„ЈП Водовод и канализација – Скопје и ЈП Комунална хигиена – Скопје ги известуваат корисниците кои имаат заостанат долг за потрошена вода и смет, тужен и редовен, дека имаат можност да го платат без пресметана камата за задоцнето плаќање“, велат од „Водовод“.

Можноста да се плати долгот без пресметана камата од страна на корисниците е со определено времетраење во предвидениот рок, сметано од 13 мај до 28 јуни 2019 година. Физичките лица и правните лица ќе може да го исплаќаат својот долг со склучување на договор до 24 месечни рати, во зависност од висината на долгот.

Коментирај