Во 18 сообраќајки викендот во Скопје, 11 повредени

0
268

Две лица се потешко, а девет полесно повредени во вкупно 18 регистрирани сообраќајни несреќи во изминатите три дена на подрачјето на СВР Скопје.

Од евидентираните седум сообраќајки во петокот, во пет полесно се повредени шест лица, а две незгоди се со материјална штета.

Во саботата пак,  се случиле пет сообраќајни незгоди и истите се со последица материјална штета.

Како што информираат од СВР Скопје, вчера во Скопје се регистрирани шест сообраќајки, во кои велосипедист и возач на мопед се здобиле со тешки телесни повреди, а три лица со полесни повреди. Во три е причинета материјална штета.

Сообраќајната полиција санкционирала 82 возачи  кои не го почитувале ограничувањето на брзината на движење, 11 се исклучени од сообраќај за возење под дејство на алкохол, тројца возачи не отстапиле првенство на минување на пешаците на обележан пешачки премин, како и 42 возеле со истечена сообраќајна дозвола или без возачка дозвола, а 69 биле непрописно паркирани.

Санкционирани се и 35 пешаци кои поминале вон обележан пешачки премин и 10 возачи на велосипед со мотор, мопед и мотоцикл кои за време на возењето на пат не го носеле заштитниот шлем на глава.

Со помош на  специјалното возило „пајак“ се отстранети 73 непрописно паркирани возила.

Коментирај