Турција ги задржа шансите за пласман на СП 2018

0
521

Репрезентација на Турција ја победи Хрватска со 1:0 синоќа во Ескишехир во дербито на И-групата од квалификациите за Светското фудбалско првенство 2018.

Ченк Тосун го постигна победничкиот гол за домаќините во 75.минута и ја остави својата репрезентација во игра за пласман на Мундијалот.

На другите две средби од 8.коло во оваа група, Исланд ја победи Украина со 2:0, додека Финска со 1:0 славеше на гостувањето кај Косово.

По оваа рунда дури четири репрезентации се со шанса да се борат за директен пласман на СП, како и за освојување на второто место кое обезбедува бараж.

Табела: Хрватска 16 бодови, Исланд 16, Турција 14, Украина 14, Финска 7, Косово 1.

Коментирај