Стојаноска: Ако одиме по изјавите на премиерот до сега кажани па порекнати, не би се осудила да тврдам дека тој прв го пријавил случајот „Рекет“

0
568

Во денешната емисија „Само Вистина“, гостуваше и пратеничката Дафина Стојаноска, од редовите на ВМРО-ДПМНЕ која посочи дека за случајот „Рекет“ јавноста немаше да дознае доколку не бевме информирани преку италијанскиот медиум кој што ја обзнани веста.

-Случајот „Рекет“ веќе се одвивал уште од минатата година, година и повеќе така што мислам дека не само што е задоцнето туку мислам дека можеби и имало обид да се прикрие. Но ете дали е среќа или несреќа случајот се откри, појасни Стојаноска.

Стојаноска ја запраша Шахпаска од каде е толку сигурна дека премиерот е прв што го пријавил овој случај, бидејќи тоа е само една изјава за медиуми.

-Ако одиме по сите до сега дадени негови изјави кажани па порекнати не би се осудила да тврдам дека тој прв го пријавил овој случај. Во однос на тоа дека јавен обвинител е во притвор, зарем сметате дека тој јавен обвинител не треба да биде во притвор доколку за тоа има сомнение. За секој што има сомнение дека има сторено кривично дело не да е јавен обвинител, и да е претседател на месен, секој апсолутно секој има право да му се овозможи еден правен процес тоа да го докаже или спротивно, додаде Стојаноска.

Коментирај