Стефаноска: Во Охрид ќе се реконструираат градинките и средните училишта

0
277

Образованието е клучен фактор за напредокот на градот Охрид. Знаењето е сила, знањето е моќ. Вложувањата во образованието се вложувања во иднината на нашите деца и нивно формирање како здрави личности, кои ќе бидат подготвени за современите предизвици на животот, истакна Д-р Снежана Стефаноска, кандидат за советник од редовите на ВМРО-ДПМНЕ за проектот: Реконструкција или доуредување на градинки, основни и средни училишта.

-Изминатите 4 години покажавме максимална посветеност кон унапредувањето и развојот на образованието како и подобрување на образовната инфраструктура: реконструкција на училиштен објект ОУ „Григор Прличев“, реконструкција на објектот (фасада, столарија, олуци) ОУ „Бртаство Единство“ (Крст-Џамија и Лескајца), реконструкција на покрив во ОУ „Ванчо Николески“ – Лескоец, реконструкција на санитарни јазли и фасада во ОУ „Живко Чинго“-Велгошти, покрив и санитарии во ОУ „Кочо Рацин“, санација на санитарни јазли во средните училишта „Ванчо Питошески“ и „Св. Наум Охридски“, Реконструран централниот објект на ЈОУДГ „Јасна Ристеска“ како и отворени градинки во Пештани, Лескоец, Велгошти, Црногорци, потенцираше Стефаноска.

Таа вели, Образование. Образование. Образование! Токму затоа, ние на огромно задоволство ќе го спроведеме проектот за: Реконструкција или доуредување на градинки, основни и средни училишта.

-Проектот има за цел да ги подобри просторните услови во училиштата и градинките со што ќе се придонесе за обезбедување квалитетна настава и креирање можности за унапредување на воспитно-образовниот процес. Истото резултира со правилен психо-физички разввој на учениците и соодветно едукативно профилирање низ едукативниот процес. Реконструкција на дограма, поткровје и опремување со мебел и реквизити на новиот дел од Гимназијата, Реконструкција на училишната зграда на ОУ „Св. Климент Охридски“, Реконструкција на училиштето во Долно Коњско, Реконструкција на училиштето во Елшани (покрив, фасада и столарија), Реконструкција на санитарии на ОУ „Братство Единство“, Реконструкција на градинките: Росица, Развигорче и Лихнида. Ние заедно со граѓаните преку заедничките идеи воведуваме нови стандарди во воспитно-образовниот процес со цел овозможување модерен и современ образовен систем. Само образовано население во здрави услови може соодветно да им одговара на предизвиците од модерното дигитализирано општество, рече Стефаноска.

Таа потенцираше дека ВМРО-ДПМНЕ како и секогаш е на страна на граѓаните.

-Секогаш охриѓани, Секогаш работа, Секогаш Охрид! ВМРО-ДПМНЕ како и секогаш политиките што ги води и одлуките кои ги носи, ги носи единствено во полза на охриѓани. Препознавајќи ја работата охриѓани на 15 октомври ќе ја дадат поддршката за советничката листа на ВМРО-ДПМНЕ и Коалицијата како и за Д-р Митко Тилевски за иден градоначалник на Охрид за победа уште во првиот круг, истакна Стефановски.

Коментирај