Шведска немаше сили за ново изненадување, Англија во свој стил до полуфинале (ВИДЕО)

0
413

Англија ја оправда фаворитската улога против Швеѓаните, „Гордиот Албион“ е третиот полуфиналист на Мундијалот и ќе го чека својот противник од вечерашниот натпревар помеѓу Русија и Хрватска.

Избраниците на Герет Саудгејт, како и фаворити влегоа во натпреварот против Шведска, а на крајот и ја оправдаа таквата улога со победата од 0:2.

Двата гола Англичаните ги постигнаа на начин на кој се веројатно најопасни на Мундијалот, после центаршути.

До погодокот Англичаните стигнаа практично од првиот удар кон голот на Шведска. Ешли Јанг одлично го изведе корнерот во 30 минута, а највисок во шеснаесетникот беше дефанзивецот Мегвајер кој ја смести топката во мрежата на Швеѓаните.

До крајот на првиот дел следевме мирна игра без многу прилики за погодок.

Сличен беше текот и на вторите 45 минути, а крај на надежите на Шведска стави Деле Али со голот во 59 минута после одличното нафрлување на Џеси Лингард.

Коментирај