Шекеринска и СДСМ со закани и нови кризи сака да ја протурка по секоја цена Тиранската платформа

0
1492

Заменик-претседателката на СДСМ, Радмила Шекеринска во вчерашното гостување на Телевизија 24 се закани дека доколку доколку не се стави на дневен ред точката за Талат Џафери да биде избран за претседател на Собранието, тие ќе направат нова деструкција и нова криза, разрешувајќи го претседателот на Комисијата за избор и именување, со што ќе ја турнат државата во уште поголема криза.

Според Шекеринска, утре парламентарното мнозинство може ќе одлучи дека некои комисии ќе имаат и нов состав.

-Сега од Трајко Велјановски зависи дали ќе го закаже продолжението на конститутивната седница или не. Утре пармалентарното мнозинство и Собранието може ќе одлучи дека некои комисии ќе имаат и нов состав. Можеби ќе се случи Илија Димовски да го следи примерот на Оливер Андонов. Тој беше министерот за внатрешни работи со најкус мандат. Можеби Илија Димовски сака да му се приближи со рекордот, вели Шекеринска.

Со оваа скандалозна изјава потпретседателката на СДСМ практично се заканува дека Илија Димовски ќе биде разрешен и дека Комисијата за избор и именување ќе добие нов состав.

Со тоа само би се продлабочила политичката криза.

Инаку, според она што го договарал Заев, за прв пат по независноста на Македонија, предателското место во Собранието треба да припадне на Албанец што всушност претставува почеток во спроведувањето на Тиранската платформа, која содржи воведување двојазичност на целата територија на Македонија, започнување дебата за промена на знамето, химната и државниот грб.

Освен тоа, со Тиранската платформа се предвидува и воведување двојазични банкноти и монети, како и промена на униформите на полицијата и војската, каде што ќе биде вметнат и албанскиот јазик.

 

Извор: Курир

Коментирај