„Република Македонија“ на ракавите на оркестарот ја откажала химната за Ципрас?

0
313

Химната при пречекот на грчката делегација не се свирела затоа што доцнел авионот на Алексис Ципрас, истакна Заев во неговото интервју на 1 ТВ. Тој рече дека една од причините може да биде и тоа што на униформите на оркестарот пишува „Република Македонија“.

Поради тоа што доцнеше авионот. Скративме голем дел од оние официјалности кои што беа и впрочем гледате, направивме едно убаво селфи, претставување на делегациите и слично. Дури скративме и двајца министри кои дискутираа, еден од наша страна, еден од грчка, за строго да ги средиме протоколите и квалитативноста на самиот настан за билатералните средби да добијат стварно на значење во неопходно време. Имаше многу работи важни на тет а тет средбата, на меѓувладината седница, на форумот со бизнисмените. Само се трудевме да стигнеме, одговори Заев.

„Некој рече дека тоа што оркестарот има Република Македонија на ракавите е една од причините поради кои не е свирена химната?“, праша Орданоски.

Значи може да постои таква причина или било што. Ние знаеме секој пат да се коригираме, можеше да се сошие или слично. Еве оркестрите заедно ќе бидат и таквите делови ќе бидат поклопени затоа што Уставот е јасен, каде што е „Република Македонија“ треба да биде „Република Северна Македонија, одговори Заев.

Премиерот на оваа тема во интервјуто зборува во 6 минута од видеото.

Извор:Република

Коментирај