ПСЖ: Не е вистинско време да зборуваме за заменик на Емери

0
475

Спортскиот директор на ПСЖ, Антеро Енрике, одговори на гласините за тренерот на тимот Унаи Емери. Договорот на Баскиецот е до јуни оваа година и сé уште нема потпишано нов.

– Секој ден се соочуваме со информации за нов тренер на ПСЖ. Во моментов тренер е Унаи Емери. Тој има договор со клубот и не е време да се зборува за негов заменик, изјави Енрике.

Тој смета дека „принцовите“ се наоѓаат во важна фаза од сезоната и останува многу работа за да се постигнат поставените цели.

– Ниту еден тренер во светот не може да каже дека водел преговори со нас. Сите фанови на ПСЖ треба да знаат дека само клубот може да објави официјални информации за ова прашање, додаде тој за „Екип“.

Коментирај