ПРЕВОД: Официјалното соопштение од Бундестагот за средбата на Заев со Меркел

0
2059

Ова е официјалното соопштение од Бундестагот за средбата на Заев со Меркел. Мојата професорска маленкост (по германски де) никаде не прочита дека ќе има датум во септември. Бујрум, превод за тие што размислуваат со своја глава, напиша Антигона Браздова преведувајќи го официјалното соопштение од Бундестагот за средбата на македонскиот премиер Зоран Заев со германската канцеларка Ангела Меркел.

Текст над сликата (на линкот)

Меркел се состана со премиерот на Северна Македонија
Европската интеграција и понатаму да се унапредува

Сојузната канцеларка го прими северномакедонскиот премиер Заев во Сојузната канцеларија. Во фокусот на разговорот, покрај билатералните односи меѓу двете земји, беа (се најдоа) и прашањата околу надворешната и европската политика.

Текстот што е во сива рамка:
Под покровителство на Обединетите нации, балканската република го носи името на Северна Македонија од 12 февруари 2019 година, со што стави крај на својот спор околу името со Грција, кој траеше од 1991 година.

Грчката влада побара од својот северен сосед да се откаже од (да го отфрли) државното име “Република Македонија”

Во привремената спогодба од 13 септември 1995 година, двете земји се согласија да преговараат за пријателско решение за спорот за името под покровителство на Обединетите нации. До официјалното преименување, земјата се викаше “Поранешна Југословенска Република Македонија”

Текстот под сивата рамка:

Поглед кон НАТО и ЕУ

Северна Македонија е ориентирана кон ЕУ и НАТО. Земјата амбициозно го реформираше својот безбедносен сектор во последниве години и постигна голем напредок во владеењето на правото и демократијата. Владата се обврза да ги продолжи преземените чекори за спроведување на реформи.

По добивањето согласност од сите 29 земји-членки на НАТО, Северна Македонија ќе стане 30-та членка на Алијансата најдоцна до 2020 година. Исто така, во поглед на Европа, Северна Македонија значително ја подобри својата позиција за приближување кон ЕУ.

Во април, на покана на германската канцеларка Ангела Меркел и францускиот претседател Емануел Макрон, премиерот Зоран Заев, присуствуваше и на состанокот на Западен Балкан, кој се одржа во Сојузната канцеларија.

Текст најдоле во сивата рамка:

Република Северна Македонија е копнена земја (се мисли на земја без излез на море) во југоисточна Европа. Земјата беше дел од Република Југославија, а својата независност ја прогласи во 1991 година. На нејзината територија која опфаќа површина од над 25.700 квадратни километри, живеат околу 2.1 милион жители, од кои околу 700.000 живеат во главниот град Скопје. Северна Македонија се граничи со Србија, Косово, Бугарија, Грција и Албанија.

Ова е цел текст од збор до збор преведен. Никаде не се спомнува ни датум, ни септември. Ама, продолжете да верувате на лагите на Заев и цела влада, за некои луѓе само живеењето во свет со лаги е живот

Пишува: Антигона Браздова на Фејсбук

Коментирај