Потврда од Европската комисија – Хрватска влегува во Шенген

0
344

Европската комисија оцени дека Хрватска ги исполнила неопходните критериуми за влез во Шенген-зоната и го повика Советот на ЕУ да ја вклучи Хрватска во просторот без внатрешни гранични контроли.

– Европската комисија смета, врз основа на резултатите од шенгенскиот процес за евалуација започнат во 2016 година, дека Хрватска ги презела неопходните мерки за да ги обезбеди потребните услови за целосна примена на правилата на Шенгенот и дека се исполнети стандардите – се наведува во соопштението на Комисијата.

Хрватските напори за исполнување на шенгенските услови ги пофали и претседателот на Еврокомисијата Жан-Клод Јункер.

– Пофалби за Хрватска за нејзините напори и упорност да ги исполни сите потребни услови за влез во Шенген-зоната. Само преку зачувување на единството и преку заедништво можеме да обезбедиме посилна Шенген – зона. Затоа верувам дека земјите-членки ќе ги преземат вистинските чекори за Хрватска наскоро да стане полноправна членка на Шенген – зоната. се наведува во соопштението од канцеларијата на Јункер.
Сепак, ваквата одлука не значи дека Хрватска веднаш ќе влезе во Шенген-зоната, затоа што станува збор за политичка одлука.

Бугарија и Романија уште од 2011 година имаат позитивна евалуација од Европската комисија, но се уште не се дел од Шенген просторот, бидејќи нема согласност од сите држави.

Коментирај