Попов: На Каевски не му е гајле за младите затоа што додека тој седи во удобната фотелја фирмата на неговите родители ниже државни тендери

0
120

Три години СДСМ не може да ја заврши реконструкцијата на СД Гоце Делчев, која ја почна ВМРО-ДПМНЕ, рече на денешната прес-конференција Сергеј Попов од УМС на ВМРО-ДПМНЕ.

-Блоковите А и Б се реконструирани во време на ВМРО-ДПМНЕ и пуштени во употреба. Блоковите В и Г стојат нереконструирани и неупотребливи. Дарко Каевски и СДСМ лажат кога велат дека нешто направиле. Три години ништо не направија. Да биде иронијата поголема, во нивната програма напишаа и од ова место ветија дека овде ќе има студентски град. Овде студентски град нема, а состојбата е полоша од кога било до сега. Каевски и неговата екипа ги лажеа младите и ништо не направија. На Каевски не му е гајле за младите затоа што додека тој седи во удобната фотелја фирмата на неговите родители ниже државни тендери. Лицемерието на Каевски е прочитано, а лицемерието на СДСМ е провидно. СДСМ не направи ништо за младите, а вети многу. СДСМ три години лаже. И сега пред избори повторно лаже, истакна Попов.

Тој додаде дека СДСМ нема повеќе кредибилитет. СДСМ мора да си замине. Доаѓа време за обнова на Македонија со ВМРО-ДПМНЕ.

Коментирај