Османи: ДУИ уценуваше, но никогаш за себе, туку за граѓаните

0
375

Улогата на ДУИ беше клучна на патот кон Европската унија, ДУИ е заштитник на трите клучни договори, Рамковниот договор, Преспанскиот договор и договорот со Бугарија, порача партискиот портпарол, Бујар Османи на прес – конференција.

Тој се осврна и на анализите дека ДУИ како коалиционен партнер во владите ги уценува политичките партии и порача дека тие уценувале, но не за себе, туку за интересот на граѓаните, за да се задржи евроатлантскиот пат на земјава.

ДУИ беше кормиларот, и тогаш кога имаше дилеми ДУИ го држеше кормилото да се запази евроатланскиот курс. Во последно време се зборува за некакво уценување кое го прави ДУИ кон македонските политички партии па дури сега и двете политичлки партии ги повикуваат граѓшаните да освојат 61 пратеник за да не ги уценува ДУИ. Ако уценување е потребата од решавање на името и потребата од отворање на патот кон НАТО, ако уценување е потребата за потпишување на договор со Бугарија, ако уценување е поднесувањето на Законот за јазици за да се релаксираат меѓуетничките односи, да, ДУИ уценуваше, но никогаш за себе, никогаш за партијата секогаш за интересите на граѓаните, секогаш за потребата државата да оди напред. Сме условувле формирање на влади со тие прашања, но денеска токму тие прашања не донесоа во НАТО – рече Османи.

Предизборната коалиција меѓу СДСМ и БЕСА ја нарече непринципиелна и сите политички калкулации кои се прават пред изборите се, како што рече, со цел опстојување на партиите на политичката сцена. Порача дека тие сега се насочени кон гласовите на граѓаните, а за коалиции ќе размислуваат по изборите.

Коментирај