Официјално: Скубе со емотивна порака се прости од Вардар!

0
182

Словенечки ракометар Сташ Скубе официјално си заминува од Вардар по крајот на сезоната, тој преку социјалните мрежи со емотивна порака ја потврди разделбата.

Денеска плејмејкерот на својот Инстаграм профил потврди дека ова лето ќе го напушти македонскиот и европски шампион.

Словенецот, кој беше една од клучните алки минатата година во освојувањето на трофејот во Лигата на шампионите со емотивна порака и неколку фотографии се прости од „црвено-црните“.

„Има само неколку добри спомени, но ова беше повеќе од тоа. Горд сум што го носев дресот на Вардар две години и горд сум на она што го постигнавме во периодот кој измина! Секако, освојувањето на Лигата на шампионите минатата година беше еден од најдобрите денови во мојот живот! Би сакал да им се заблагодарам на соиграчите, на навивачите и на луѓето кои не поддржуваа и во добро и во лошо. Му посакувам на Вардар се најдобро и се надевам дека во иднина клубот ќе биде на нивото на кое заслужува. Ќе го напуштам Скопје ова лето, но сугирен сум дека нашите патишта повторно ќе се вкрстат. Вистинската љубов има навика да се враќа! Еден живот, една љубов!“, напиша Скубе.


Извор: Спортски.мк

Коментирај