Од веселата математика на СДСМ одвојуваме: За да ви вратат 500 евра, треба да потрошите 18.520 евра

0
515

Според Министерството за финансии и министерот Драган Тевдовски, со новата мерка, која стартува од први јули, годишно кај граѓаните би се вратиле меѓу 60 и 100 милиони евра.

Со мерката се предвидува граѓаните да добиваат поврат од 15 отсто од платениот данок на додадена вредност (ДДВ).

Во пракса тоа би изгледало вак: На секоја сметка од 1.000 денари, на која ДДВ е 18 %, повратот би бил 27 денари. На сметка од 10.000 – 270 денари или на потрошена цела просечна плата од 26.000, поврат би бил 702 денари.

Кога предизборно беше најавена мерката, се говореше дека во секое домаќинство, по основ на поврат на 15 % од ДДВ-то, годишно ќе се вратат до 500 евра.

Пресметките сепак говорат дека за да се „врати“ толкав износ, ќе треба за една година едно семејство да потроши 18.520 евра.

Извор:republika.mk

Коментирај