Мицкоски: Заев се колнеше во татковината дека нема да го избрише идентитетот, а единственото нешто што го направи изминативе две години е токму тоа

0
308

Неправди има на секој чекор, неправда е кога како опозиционер Зоран Заев ќе застане овде и ќе каже дека десно од мене ќе никне поликлиника, а една година, две години, три години потоа ниту поликлиника има ниту пак нешто се случува, изјави попладнево Претседателот на ВМРО-ДПМНЕ Христијан Мицкоски на митингот во Бутел и додаде:

„Неправда е кога Зоран Заев и врхушката на СДСМ на скопјани ќе им ветуваат чист алпски воздух само да дојдат до тие пусти пари и фотељи. А кога се власт ниту воздух има, а и тој што го имаме тешко се дише бидејќи е немаштија и беспарица во Република Македонија.“

-Неправда е кога Зоран Заев како опозиционер ќе не убедува во својата жица, ќе се колне во децата, ќе се колне во дедовината и татковината дека нема да го избрише идентитетот, а првиот момент кога ќе има можност единственото нешто што го направи изминативе две години е токму тоа, бришење на идентитетот, бришење на нашиот корен, потенцираше Мицкоски пред насобраните граѓани.

Коментирај