Мицкоски од Прилеп: Скапо ја плаќаме неспособноста на владата, нивното незнаење и криминалните амбиции- затоа ајде на 2 јуни да го означиме почетокот на нивниот крај

0
384

Денес бев во градот херој Прилеп кој многу дал за Македонија, место на комитскиот и партизански непокор и пркост, напиша претседателот на ВМРО-ДПМНЕ Христијан Мицкоски на својот Фејсбук профил.

-Токму затоа споделив со луѓето на Прилеп едно мое чувство за нешто што денес сите го видовме, а прставува една неверојатна иронија и лицемерие. Ги видовме луѓето од Владата денес поредени пред споменикот посветен на партизаните. Слика која во себе има многу спротивности. Горе ги имаме оние кои се бореле за Македонија и својот влог го потврдиле со своите животи, партизаните чие дело и денес се слави, а доле под нив ги имаме оние кои ја разградуваат и уништуваат Македонија, оние кои на дневна основа продаваат и распродаваат, тоа е владата на Зоран Заев. Говореа за некакви промени, а единствените промени во Македонија се оние кој потврдуваат дека се оди кон полошо, говорат за некакво ослободено судство, а единственото што се ослободи е Зоран Заев од случај каде јасно се гледа што прави и што бара, потоа предвидувајќи и диктирајќи пресуди, говореа за инвестиции, а досега една лопота не фрлија, говорат за живот, а она што обичниот човек го чувствува е само чемер и јад, напиша Мицкоски.

Лидерот на ВМРО-ДПМНЕ, во својата Фејсбук објава додаде:

„Ова е владеење каде патриотизмот го преставуваат за нешто лошо и опасно, поразот и капитулацијата го прикажуваат за победа, недостоинствените нешта ги прикажуваат за заштита на интересите. Ова е влада која се фали со повеќе пари во буџетот, ама не кажуваат дека се собрани од поголемите давачки за граѓаните. Затоа велам доста е. Скапо ја плаќаме нивната неспособност, нивното незнаење и нивните криминални амбиции. Одговорот на сето ова е народот и никој друг. Затоа ајде на 2 јуни пред владата да го означиме почетокот на нивниот крај. И громогласно да кажеме Македонија ќе победи!“.

Коментирај