Манчевски го правда непотизмот: 10 години членовите на СДСМ беа најдискриминирани граѓани во државата

0
276

Aко јавноста смета дека изборот на Нури Бајрами е голем проблем требало да се реагира додека траел изборот, како што се реагираше и за многу други кандидати, изјави денеска министерот за информатичко општество и администрација Дамјан Манчевски, во врска со изборот на членови на Државната комисија за спречување на корупција, меѓу кои е и баџанак на претседателот на Собранието, Талат Џафери.

Оваа мешана комисија ги оценила овие кандидати за најдобри. Следниот период на функционирање на оваа комисија, особено во предизборен период ќе покаже колку е искрена намерата на било кој да се бори против корупцијата – рече Манчевски.

Тој додаде дека му пречи што долго време Законот за спречување на корупцијата бил блокиран од страна на опозицијата во Собранието.

На прашање за вработувањето во администрацијата на блиски луѓе до владини функционери, Манчевски одговори дека Антикорупциската комисија е институцијата која треба да провери дали во новите вработувања има и непотизам и судирна интереси.

Тој рече дека 10 години сите членови на СДСМ беа најдискриминирани граѓани во државата со тоа што им беше забрането да се врабуваат во јавен и приватен сектор.

Денеска е чудно што било кој симпатизер на оваа власт се вработува и во јавни институции. Каде да одат овие луѓе, треба да ја напуштат државата… Сега има Антикорупциска комисија и сето она за што се смета дека е проблематично треба да се поднесе претставка и да се одлучува по неа – рече Манчевски.

Извор:

Коментирај