Латас: Сега имаме доказ дека она што ВМРО-ДПМНЕ го тврдеше е активно, не е пропаганда, туку е реална закана

0
2697

Ние сега имаме ситуација на доказ дека она што ВМРО-ДПМНЕ го тврдеше е активно. Нема тука ни партија ни свети партија, во прашање е разбивање на Македонија, не е ова пропаганда, истакна главниот и одговорен уредник на ТВ Сител, Драган Павловиќ Латас, во вчерашното издание на инфомагазинот „Од наш агол“ на МТВ1.

-Последниве три дена на албански медиум дадена е изјава од американски конгресмен, не е било кој конгресмен, тој ја води комисијата за надворешна политика и е највлијателен човек во конгресот кога е надворешната политика во прашање. Тој вели: Македонија не е држава, треба да се распадне, да го решиме балканското етничко прашање- еден дел треба да земе Косово, за да ја сочува Албанија од такви афери, а дел во Бугарија или кон соседната држава за која Македонците мислат дека им е најблиска. Ова е изјава на американски конгресмен кој го води одборот за надворешна политика. Ниту е случајна, ниту е наивна, ниту е ограничена, ниту индивидуална. Македонија прати сега барање до американската власт дали е тоа нивни став, нормално ќе им речат не, ама процесот е отворен. Ова е од многу јак конгресмен. Ако од Америка дошле сигнали, од врвот на американската власт дека Македонија е пеналена и спремана за рспад и поделба и поништување, што е кантонизацијата на Зоран Заев, што е планот на албанските политички партии, платформата, што е сето тоа.

Изборот е прост, додаде Латас, не затоа што јас сум гласал за Груевски, може на наредните избори ќе гласам за Бранко Црвенковски или за било кој друг ако има подобра понуда.

-Сега имаме доказ дека тоа за кое се бори Груевски постои, не е пропаганда, туку е реална закана. Ако Македонците не сакаат да им постои државата, бујрум еве ви го, кантонизација на Заев, двојазичност како уставна категорија, еве ви ја албанската платформа подржете ја, рече Латас.

Коментирај