Коневски: На 15-ти октомври граѓаните ќе кажат дали го ценат нашиот ангажман или веруваат на лажни ветувања

0
240

Жалосно е што не се дозволи да се одржи референдумот за бегалците, доколку тој беше на денот на локалните избори ќе се намалеа и трошоците, а граѓаните ќе имаа право да се изјаснат по ова прашање, истакна кандидадот за градоначалник на општина Аеродром од ВМРО-ДПМНЕ, Ивица Коневски, кој гостуваше во емисијата „Само вистина“.

Коневски не ги коментираше анкетите за неговиот рејтинг, наспроти рејтингот на неговиот против-кандидат.

На 15-ти октомври граѓаните ќе кажат на кого повеќе му веруваат и дали го ценат нашиот ангажман или веруваат на лажни ветувања, подвлече Коневски.

Истакна дека од сите проекти кои биле ветени, не бил реализиран само еден, но оти биле реализирани проекти кои не биле предвидени во програмата.

Тели дека најмногу се гордее со Спортскиот центар „Јане Сандански“.

Коневски верува дека Коце Трајановски ќе победи во изборот за градоначалник на Град Скопје за да може да ја продолжат својата соработка.

На обвинувањата од противкандидатот на СДСМ, Златко Марин дека Коневски не успеал да изгради општинска зграда, Коневски истакна дека тоа не е изградено, бидејќи доколку се изградела општинската зграда ќе требало да се жртвуваат многу од 200-те реализирани проекти во општината.

Коневски нагласи дека очекувал оти Марин ќе водел конструктивна предизборна кампања, но дека тоа што досега кандидатот на СДСМ го правел е само обвинувања кон Коневски.

Марин го обвини Коневски за загадениот воздух во општината, на што Коневски одговори дека во таа насока е многу реализирано, но и дека допрва ќе се превземаат мерки.

-Јас досега имам направено се што е во моја моќ за подобрување на животната средина.  Не велам дека е се идеално, не постои таква општина во која се е идеално.Воздухот е загаден повеќе од 70 години во Скопје. Претходната влада купи мерни станици. Ние изградивме многу паркови, расчистивме депонии, не верувам  дека тоа е доволно. Кандидатите на СДСМ за секоја општина викаат дека таа општина е најзагадена во Европа. Интензивно работиме на решавање на тој проблем. Јас не верувам во инстант решение, дека тоа некој може веднаш да го реши. Треба сите да се вклучат сите чинители. СДСМ обвинуваат за загаден воздух, а во ребалансот на Буџетот немаат ниту еден денар за подобрување на животната средина. Ние во општина Аеродром имаме преку 20 милиони евра вложено во паркови, канализациоа мрежа, депонии претворивме во прекрасни паркови. Ќе продолжиме со работа во таа насока. Треба да се развие свеста кај граѓаните, да не се користат толку многу автомобилите, туку да се користи јавниот превоз, истакна Коневски.

Марин рече дека негово решение за овој проблем со загадувањето е набавка на автобуси и најава за гасификација.

Коневски истакна дека овие проекти веќе се реализирани во градот Скопје.

-Беа набавени 300 нови автобуси кои користат еко гориво. Гледам во новата програма на градоначалникот на Скопје ќе набавува електробуси. Владата во таа насока многу направи, вклучувајќи ја и гасификацијата на Клинички центар. СДСМ ја злоупотребува оваа тема. Со ребалансот на Буџетот не предвиде ниту денар за намалување на загадувањето, рече Коневски.

Актуелниот градоначалник на општина Аеродром и кандидат на ВМРО-ДПМНЕ за истата функција, Коневски, посочи дека единствено што СДСМ направи додека е на власт е фактот што протестираа самите против себе за загадувањето.

loading...

Коментирај