Која температура е најпогодна за добар сон

0
720

Дали сакате конечно да спиете длабоко и беспрекорно? Во зима ја зголемувате температурата на парното, а во топлите месеци се обидувате да ја изладите спалната соба колку што е можно повеќе. Не правете екстремни промени, бидејќи тоа сериозно може да влијае на вашиот сон.
Според здравствените експерти, идеалната температура за квалитетен сон е помеѓу 15,5 и 19,5 ° C .
Кога ќе легнете во креветот и се обидувате да заспиете, вашата телесна температура се намалува за да го олесни процесот. Ако вашата соба е многу жешка или ладна тоа може да доведе до вознемиреност и да влијае на квалитетот на сонот, особено во REM фазата на спиење. Во текот на оваа фаза постои силна активност на мозокот и често сонувате. Постојат спонтани брзи движења на очите и минимално движење на телото. Вообичаено е тешко да се разбудите во овој период.
За мирен и квалитетен сон, можете да се прилагодите со ставање чорапи или термофор со топла вода на нозете. Ова ќе помогне да ги заштитите вашите екстремитети од студ и да ја зголемите циркулацијата во нив.
Во просторијата каде спие вашето бебе температурата треба да биде поголема – помеѓу 19,5 и 22° C . Бебето треба да биде добро завиткано и температурата во просторијата не треба да се менува преку ноќ.

Коментирај