Ефтов: Заев на локалните избори се откажа од историјата и минатото на партијата СДСМ!

0
326

Новинарот Васко Ефтов во својата емисија „Во Центар“, направи анализа во која ја опиша актуелната политичка ситуација после одржаните локални избори во земјата.

Според анализата на Васко Ефтов, парадоксот на овие локални избори е тоа што политичката партија на Социјалдемократскиот сојуз на Македонија е наследничка на Сојузот на комунисти на Република Македонија. Сојузот на комунисти е партија наследничка на Комунистичката партија на Македонија.

-Комунистичката партија е формирана 1944-та година. За разлика од ВМРО-ДПМНЕ, која е формирана во Солун и на првиот конгрес Љупчо Георгиевски вели „одиме на Солун“. Комунистичката партија на Македонија не е формирана ниту во Солун, ниту во Софија, ниту во Белград. Комунистичката партија е формирана во Македонија, во градот Тетово. На овие локални избори СДСМ нема свој кандидат за градоначалник во градот каде што е формирана таа партија и дава целосна поддршка на Теута Арифи. И тоа е парадоксот на ова СДСМ. Ова СДСМ се откажува од своето минато, рече Ефтов.

Тој истакна дека главната епопеја на Втората Светска војна е ослободувањето на градот Кичево.

-Во градот Кичево, СДСМ повторно нема свој кандидат за градоначалник и одредени криминалци и одредени бизнисмени кои во време на ВМРО направија голем или огромен капитал, а сега се блиски пријатели на Зоран Заев и работеа за  Фатмир Дехари да победи во градот Кичево. Гледате СДСМ така лесно се откажува од својата историја и нема кандидат за градоначалник ниту во Тетово, каде што е формирана партијата чиј наследник е СДСМ, а ниту во Кичево каде што еден од најголемите епопеи на Втората Светска војна или нешто со што СДСМ или Комунистите во Македонија се гордеат изминатите 70 години, анализираше Ефтов.

Според Ефтов, ваквиот концепт на функционирање на двете политички партии наликува на мека федерализација. Тој додаде дека СДСМ и ДУИ федеративно ги поделиле зоните на влијание, ДУИ на едната страна на Групчин, а СДСМ на другата страна од Групчин, само поради тоа што ДУИ нема поради свои кандидат за градоначалник за град Скопје кој што се смета за главен град на Македонштината на Република Македонија, а СДСМ нема кандидат за градоначалник во Тетово кој што се смета за главен град на Албанштината во Република Македонија. А сето овоа одговарало на оној договор  од пред 130, 140 годни кои што го правеле Хасан Приштина и Тодор Александров. Ефтов констатираше дека тој договор сега го спроведуваат Али Ахмети и Зоран Заев.

Коментирај