Џафери за 21.00 часот ја закажа собраниската седница за имунитетот на Велјаноски

0
161

Претседателот на Собранието Талат Џафери ја закажа седницата за одземање на имунитетот на поранешниот претседател на Собранието Трајко Велјановски за вечерва во 21 часот.

Станува збор за пленарна седница на која пратениците ќе расправаат и одлучуваат за барањето од Основниот суд Скопје 1 за одредување мерка притвор, односно одземање на пратеничкиот мандат.

Одлуката за закажувањето на седницата следи по консултациите за собраниските правила околу тоа дали треба да се разгледува барањето кога претходно на гласањето по ова прашање во Комисијата за мандатно- имунитетни прашања заврши нерешено.

По дводневната дебата со 4 гласа „ за“ и 4 гласа „против“ Комисијата не зазеде став по барањето за одземање на имунитетот на пратеникот Трајко Велјаноски.

Извор: kurir.mk

Коментирај