95-годишната прабаба на Фабрегас главна тема на социјалните мрежи: „Го победи коронавирусот“

0
200

Сеск Фабрегас пред неколку дена ја воодушеви јавноста откако побара од Монако да му ја намали платата за 30% за да никој од вработените во клубот не добие отказ.

Фабрегас со тоа му заштеди на клубот 2.5 милиони евра. Исто така порача дека Монако не мора да му ги дава наредните четири плати, туку тие пари да му ги исплати на рати откако ќе му истече договорот во 2022. година.

Шпанскиот фудбалер и денеска се огласи на социјалните мрежи со одлични вести. Имено, тој неодамна потврди дека неговата 95-годишна прабаба е позитивна на коронавирус и дека е во тешка состојба.

Меѓутоа, таа успеала да се опорави и тестот кој го направила пред некој ден бил негативен, а својата радост Фабрегас ја сподели со фановите на социјалните мрежи.

„Го победи вирусот, а има 95 години. Вчера тестот покажа дека е негативна на коронавирусот. Мојата прабаба е херој и нејзината победа е мотив за сите нас.“ – порача Сеск.

Извор: Спортски.мк

Коментирај